******************
الشاطرة بسبسة
الشاطرة بسبسة اسنانها مسوسة
وهدومها ملحوسة
وجيوبها مفلسة
وتقول انا بنت شاطرة
انا بنت كويسه
وتقول انا نفسي ابقي
لبلادي مهندسة
ضحكوا عليها التلامذة ولا بطلوا مالسة
والبنت مستكة
مكارة مسهوكة
تعشق للغيرة دايما
وتموت ف الفبركة
تايهة وملعبكة
ولما الابلة تسال تلقاها مشبكة
وتموت ف الدربكة
والبنت مشمشة
ناصحة ومخربشة
ونشيطة منعنشة
لكن ف الفصل تايهة
للابلة مطنشة
والبنت لبلبة
هادية ومؤدبه
وحاجتها مرتبة
دايما بتحب تقرا
وتموت م الكهربا
والشاطر حندقوق
لالناس عايزاه يفوق
دايما باصص لفوق
نايم علي نفسه برضك
ولا تلقي عنده ذوق
**************
خالي المتولي
خالي المتولي
بيصوم ويصلي
دايما بيقولي اقرا القران
انا خالي المسلم
لله بيسلم بالخير يتكلم
رمز الاحسان
خالي الانسان
مليان بحنان
تلقاه سلطان
عبد الرحمن
يا خالي يا غاالي
دا مكانك عالي
في القلب يا خالي
لك اعلي مكان
خالي معروف
بالخير موصوف
بالبسمة يطوف
نحو الاخوان
خالي استناذي
ف الازمة ملاذي
باهديه انجازي
والحب كمان
النور اراضيسه
ربنا يرضيه
ويبارك فيه
ويعيش فرحان
***********انا مسلم انا
اغنية للطفل
انا مسلم انا
انا كلي مني
انا رمز الهنا
انا بعت الدنا
انا مسلم انا
انا ديني الحنيف انا مسلم حصيف
انا طيب شريف
انا ضد الخنا
انا مسلم انا
خوفي كان م الالاه
عمري ما اخاف سواه
لاجله بعت الحياة
والصدق ف طبعنا
سندي كان للضعيف
ونا قلبي دام نظيف
واحارب كل زيف
والجنة قصدنا
عمر ما نركع لمال
ونحارب في الصلال
والظلم يشوف زوال
والرحمة عندنا
انا مسلم حنون
انا طيب باصون
والغدر يشوف جنون
اخلاصنا لربنا
انا مسلم كريم
انا صافي وكريم
انا عبد الرحيم
انا مسلم انا
***********
اخو فرقع لوز
اخو فلاقع لوز
قنفد وعجوز
ويموت في اللوز ولا يضحكشي
عصبي ومكار كذاب فشار وكلامه هزاؤ
ولا ينصحشي
وقع ف الناس عامل فلحاس
لكن ترباس
مابيفهامشي
كان يتمالس علي اصحابه
يعمل مقلب ويا احبابه
للغلبان كان يقفل بابه
كان للطيب ما بيرحمشي
جه مرة يعمل يوم مقلب
قام واقع علي وشه اتكهرب
والكل علي عمايله استغرب
بقي منهم هو ما يسلمشي
داق م الكاي الي بيسقيه
بقي بيخاف م النار تكويه
قال الشر تزيد اعاديه
بقي دي الوقت ما بيمكرشي
بقي بيحب يصلي جماعة
بقي بيموت في جمال الطاعة
نفسه ملانة بخير وقناة
بقي بسماحته بيقدر يمشي
ونصح روحه
اوعي تغشي
&&&&&&&&
احمد ومحمدوسميرة
لازقين مع سامح بالغيرة
عاملين ناصحين رايحين جايين
اكلين شاربين
مع سامح مع طانط اميرة
يكسروا اقلامه والوانه
يكسروا ف هزارهم اسنانه
واهو سامح يتجن جنانه
بسماحته راح ينسي السيرة
ياكلوا بسكوته وحلاوته
ويقولا يا جماله ويا حلاوته
لو سامح راح يشكي لمامته
بتقول له علشان الجيرة
ويقولوا يا حبيبنا يا قريبنا
دا بعادك كان بيعذبنا
وف بعدك راح تشقي قلوبنا
ومعاك راح نتصور صورة
قام قال من شال شنطتي عني
أصل انا عيان مين يعاوني
ما لقاش ولا واحد من دولا
وسابوه في الحيرة بيغني
وساعتها اتعلم ما يكلم
ولا واحد منهم ويسلم
ومعاهم اصبح بيبلم
ف الوش تبان التكشسرة
وعرف اصحابه الي يساندوه
واختار الناس اللي يحبوه
ف الازمة بس يبان له اخوه
مش يلقي اصحاب خاينين عيرة
&&&&&&&&&
اسعد واخوه
اسعد واخوه الناس كرهوه
بعد اللي شافوه
من تعقيده بيثور ويدور
زي المغرور
ويفور ويخور يرمي وعوده
وأخوه محروس
دايما منحوس عا الغير بيدوس
زي عبيده
وزمان كان عاشق للفوضي
دايما يكسر حاجة الروضة
ويجاوب دايما بالشدة
مش هيفيده
بيشوط ويطيح
وكلامه قبيح
وما كانش مريح
ينسي نشيده
يتمالس علي طانط سميحة
ألفاظه في السب قبيحة
ويزفوا الطيب بصفيحة بعد بروده
الناظر أكلهم علقة
في طابور المدرسة في الزنقة
علمهم ايه طعم الحرقة
للخير عودوا
اسعد دي الوقت بقي مثالي
عايز يبقي هناك في العالي
بقي متواضع مش متعالي
وظهر جوده
أصحابهم قالوا احبابنا أسماءهم طايرة علي قلوبنا
والقلب الطيب دوبنا رب يزيده
في القلب حنين للمسجد
في القلب حنين للمسجد كي القي الخيرات واشهد
وبربي الغفار أوحد ما احلي التقوي ما اسعد
في المسجد القي إخواني
أنصاري ضد الشيطان عون لطريق الإيمان
كي نبدو مثل البنيان
ولذكر الرحمن نردد
ابعد عن شر الأصحاب اهرب من كرب وعذاب
أتبتل ابذل أسبابي
وألوذ لخير الأحباب
ألجا لله التواب نسبح في بحر القران
نفرح بضيوف الرحمن
اخرج صاف من أحزاني
ولنور الإيمان أجدد
خير بقاع الأرض المسجد فهو الملجأ وهو المرشد
وهو ملاذ وهو المنجد
وهو صلاح للإنسان
اجلس في المسجد بوضوئي
اصمت أو احظي بهدوئي ارغب في النجوي بلجوئي
اخرج من قلبي شنئاني
يا رب تقبل إذعاني
****************
موضوع: اسعد واخوه شعر للاطفال 
الثلاثاء ديسمبر 25, 2012 4:06 am
